BIOGRAFÍA DE LOIS PEREIRO:

Esta presentación sobre a vida e obra de Lois Pereiro foi feita polo equipo da Biblioteca de Castro.

Presentación lois pereiro

View more presentations from biliocastro

PREMIO NOBEL LITERATURA 2010: Mario Vargas LLosa

O escritor peruano Mario Vargas Llosa, de 74 anos, foi galardoado este xoves (07/10/2010) co  Premio Nobel de Literatura, segundo anunciou a Real Academia das Ciencias de Suecia. A academia destacou a súa "cartografía das estruturas de poder e as súas imaxes mordaces da resistencia do individuo, a rebelión, e a derrota". É o primeiro escritor en lingua española galardoado desde que en 1990 levásello Octavio Paz; Vargas Llosa obterá como premio dez millóns de coroas sueca, aproximadamente un millón de euros.

Algunhas das súas obras:

• La ciudad y los perros (1962)


• La casa verde (1966), Premio Rómulo Gallegos


• Los cachorros (1967)


• Conversación en La Catedral (1969)


• Pantaleón y las visitadoras (1973)

TODO SOBRE MARIO VARGAS LLOSA

120 ANIVERSARIO DO NACEMENTO DE AGATHA CHRISTIE:

Hoxe, 15 de Agosto de 2010, celébrase o 120 aniversario do nacemento da escritora de novelas de misterio máis importante da historia da literatura.

O portal de Google adícalle unha imáxe alusiva na páxina de inicio, dende aquí poderás acceder á web sobre Agatha Christie e informarte sobre a súa biografía e as principáis obras.

MORRE O NOBEL : JOSÉ SARAMAGO

José de Sousa Saramago (Azinhaga, Santarém, Portugal, 16 de novembro de 1922 - Tías, As Palmas, España, 18 de xuño de 2010) foi un escritor, novelista, poeta, xornalista e dramaturgo portugués. Membro do Partido Comunista Portugués desde 1969. En 1998 foille concedido o Premio Nobel de Literatura. A Academia Sueca destacou a súa capacidade para «volver comprensible unha realidade efémera, con parábolas sostidas pola imaxinación, a compaixón e a ironía».

Ten unha extensa obra literaria na que destacan:

A maior flor do mundo (La flor más grande del mundo, relato infantil)

Ensaio sobre a Cegueira (Ensayo sobre la ceguera)

A Viagem do Elefante (El viaje del elefante)

 

CENTENARIO DO NACEMENTO DE GONZALO TORRENTE BALLESTER:

Con motivo da conmemoración do primeiro centenario do nacemento de Gonzalo Torrente Ballester a Fundación que leva o seu nome quere recordar e achegar a figura do autor galego aos cidadáns mediante unha serie de iniciativas divulgativas e científicas nas que se potenciarán o estudo e a investigación sobre a obra de GTB.

·Ciclos de conferencias nas que se tratarán os distintos aspectos da súa vida e da súa obra.
·Exposicións relacionadas coa vida e a obra de Gonzalo Torrente Ballester.
·Congresos e xornadas científicas sobre as distintas facetas da súa traxectoria profesional.
·Publicación de edicións de obras de Gonzalo Torrente Ballester.
·Presentación de libros sobre a obra do autor.
·Realización do documental GTBxGTB, para achegar ao público a figura do escritor.
·Dixitalización do arquivo sonoro do autor.

9 de Maio: 150 Aniversario do nacemento do autor de Peeter Pan

 

 

Hoxe, 9 de Maio é o 150 aniversario do nacemento do escritor escocés Sir James Matthew Barrie. J.M. Marrie, é coñecido, sobre todo, por ser o creador de Peter Pan, un neno que se nega a perder a maxia da infancia e tamén a medrar. . Xunto aos Nenos Perdidos, vive no País de Nunca xamais.  Barrie inspirouse nun fillo da familia Llewelyn Davis, amigos do autor escocés, para crear ao seu famoso personaxe. 

Premedo nesta imáxe accedes á biografía.

CENTENARIO DE MIGUEL HERNÁNDEZ:

 A SÚA BIOGRAFÍA:

Orihuela, 1910 - Alacante, 1942) Poeta español. Adscrito á Xeración do 27, destacou pola fondura e autenticidade dos seus versos, reflexo do seu compromiso social e político.

Nacido no seo dunha familia humilde e criado no ambiente campesiño de Orihuela, de neno foi pastor de cabras e non tivo acceso máis que a estudos moi elementais, polo que a súa formación foi autodidacta.

O seu interese pola literatura levouno a afondar na obra dalgúns clásicos, como Garcilaso de la Vega ou Luís de Góngora, que posteriormente tiveron unha marcada influencia nos seus versos, especialmente nos da súa etapa xuvenil. Tamén coñeceu a produción de autores como Rubén Darío ou Antonio Machado.

Con vinte e catro anos viaxou a Madrid e coñeceu a Vicente Aleixandre e a Pablo Neruda; con este último fundou revístaa Cabalo Verde para a Poesía. As ideas marxistas do poeta chileno tiveron unha gran influencia sobre o mozo Miguel, que se afastou do catolicismo e iniciou a evolución ideolóxica que o conduciu a tomar posicións de compromiso belixerante durante a Guerra Civil.

Tras o triunfo da Fronte Popular colaborou con outros intelectuais nas Misións Pedagóxicas, movemento de carácter social e cultural. En 1936 alistouse como voluntario no exército republicano. Durante a contenda contraeu matrimonio con Josefina Manresa, publicou diversos poemas nas revistas O Mono Azul, Hora de España e Nova Cultura, e deu numerosos recitais na fronte. O falecemento do seu primeiro fillo (1938) e o nacemento do segundo (1939) engadíronse como motivo inspirador da súa obra poética.

NANAS DE LA CEBOLLA (Preciso poema)

12 de Marzo de 2010- Morre o escritor MIGUEL DELIBES

Hoxe despertamos coa nova de que o escritor e Premio Cervantes 1994 Miguel Delibes finaba na súa casa de Valladolid á idade de 89 anos. Era o derradeiro referente das letras casteláns do século XX.

Gran coñecedor da fauna e flora da súa contorna xeográfica, apaixonado da caza e do mundo rural, soubo plasmar nas súas obras todo o relativo a Castela e á caza desde a perspectiva dunha persoa urbana pero que non perdera o contacto con ese mundo.

Trátase por tanto dunha das grandes figuras da literatura española posterior á Guerra Civil, polo cal foi recoñecido con multitude de galardóns, pero a súa influencia vai aínda máis aló, xa que varias das súas obras foron adaptadas ao teatro ou se levaron ao cine, sendo premiadas en certames coma o Festival de Cannes.

                    (Para acceder á súa Biografía preme na imáxe)

JORGE LUJÁN: Poeta e animador de literatura infantil

Lee poemas...