12/3/15

VISITA DE MARCOS CALVEIRO

O día 10 de Marzo recibimos no colexio a visita de Marcos Calveiro, autor do libro PALABRAS DE AUGA, que leron os alumnos de quinto e sexto de Primaria.

Marcos estivo falando cos nenos arredor da temática do libro e ao remate da súa exposición asinou os exemplares que tiña o alumnado.
Os nenos prepararon para a ocasión un mural coa biografía do autor e a súa obra.

Aquí vemos algunhas imaxes da intervención de Marcos :


RESUME DA OBRA "PALABRAS DE AUGA":
O xamán Mkebe ordenou a todos os membros do clan dos Wakati da tribo dos Kimba que abandonasen o país Lomba coa esperanza de atopar unha terra mellor con auga abondosa. Dende entón, homes e mulleres camiñan, baixo un sol abrasador, a sabana poeirenta sen saber que lles pode deparar o futuro. Amadou aprenderá da súa nai a colleitar o alimento agochado nos formigueiros, mais tamén, como afouto guerreiro, haberá de se enfrontar axiña cos perigos da caza e da procura de Numba, o seu irmán maior, desaparecido no campamento dos nenos soldado. Palabras de auga é unha viaxe cara ao interior do continente africano e da súa cultura, mais tamén un camiño iniciático cara á madurez. Un relato emocionante, cativador e conmovedor.