Morre Eduardo Galeano o 13 de Abril de 2015

O escritor uruguaio Eduardo Galeano (3 de setembro de 1940) morreu en Montevideo (Uruguai), a súa cidade natal, aos 74 anos. Galeano, escritor e xornalista, é coñecido pola súa obra esencial As veas abertas de América Latina, que escribiu en 1971, pero tamén polo seu medio centenar de libros nos que trataba o documental, a ficción e o xornalismo.

OBRAS:
A súa obra é moi ampla destacando "Las venas abiertas de América latina", "Los hijos de los días", "La canción de nosotros", "Memoria del fuego", "Úselo y tírelo"  e moitas máis, todas elas dunha calidade literaria enorme.

PREMIOS:
En setembro de 2010 recibiu o premio Stig Dagerman, un dos máis prestixiosos galardóns literarios en Suecia, entregado anualmente pola Sociedade Stig Dagerman a aquel escritor que na súa obra recoñece a importancia da liberdade da palabra mediante a promoción da comprensión intercultural.

Galeano foi distinguido co galardón por estar "sempre e de forma inquebrantable ao lado dos condenados", por escoitar e transmitir o seu testemuño mediante a poesía, o xornalismo, a prosa e o activismo"

MORRE, O 25 DE XUÑO, A ESCRITORA ANA MARÍA MATUTE

A escritora Ana María Matute, premio Cervantes en 2010, académica e unha das grandes autoras da posguerra, faleceu este mércores, 25 de Xuño, no seu domicilio de Barcelona a un mes de cumprir 89 anos. Hai só uns meses, foi a encargada de entregar a última edición do premio Nadal na súa cidade, onde nacera o 26 de xullo de 1925. A literatura realista, fantástica e infantil foron o tres vertentes que caracterizaron a súa obra cun estilo de aparente sinxeleza que escondía a complexidade do ser humano. Matute acababa de entregar á editorial Destino a súa nova novela: Demos familiares, prevista para setembro. "O seu papel foi relevante na posguerra desde o punto de vista sociolóxico, pola súa condición de muller que xogou un papel importante ao abrirse paso nun mundo machista, e literario ao reflectir a realidade a través de liñas duras e poéticas con doses de ironía", asegura Emili Rosales, editor de Destino.